صدى صور موقع "صدى صور" منصة إلكترونية يعنى بكافة الشؤون المتعلقة بمدينة صور ومنطقتها
نشرت خطيبة الشهيد البطل حسن فرحات صورة لهما معاً، وعلقت:
هيدي الصّورة إلها شهر عالقدّ، قبل ما تستشهد يا حسن بيومين، ب ١ حزيران يا عمري قضّينا النّهار من الصّبح لآخر الليل سوا… من الصّبح كنت معجوق فيّي كيف بدّك تلحّق تجبلي تياب العيد وتاخدني قصّ شعراتي وظبّط حالي وبالآخر بدّك نفطر بالمطعم…
راح حبيبي راح
راح أبو عجقة متل ما كنت تحبّ إنّي سمّيك..
إنتَ بتعرف يا حسن قدّيش اشتقتلّك؟؟؟
قدّ الدّموع اللي عوجّي هلّق أنا وعم بكتبلك…
يا ريت يا ريت بترجع يا قلبي وبترجع معك عجقتك اللي كلها حياة
بحبّك كتير…
مش بس بحبّك، لو بقيت عايشة لل ميّة سنة رح تبقى حبّي الأوّل والأخير ورح ضلّني ناطرتك كرمال تستقبلني بالجنّة…
الله يرحمك يا قمري الغالي وحبّ حياتي ونور عيوني
