صدى صور موقع "صدى صور" منصة إلكترونية يعنى بكافة الشؤون المتعلقة بمدينة صور ومنطقتها
أكيد سمعتوا عن Agonist Coffee Shop، أول كافيه بلبنان بتوظف أشخاص من ذوي الإحتياجات الخاصة.
افتتحت هاي القهوة بديسمبر ٢٠١٨ بمنطقة الزلقا، وإنشهرت بموظفينها إلي كتير مهضومين وقعدتها الحلوة.
و من بعد سنة على نجاحها، تم توسيع نشاطات الكافيه، وصار إلها فرع تاني ببيروت، شارع فردان.
لكل حدا عباله فنجان قهوة طيبة وحابب يدعم هيدا المشروع يلي بشجع على توظيف أشخاص من ذوي الإحتياجات الخاصة، ما الكن غير Agonist Coffee Shop.
أول ما توصلوا، برحبوا فيكن بابتسامة عريضة، كأنو بيعرفوكن من زمان! وبس تصيروا جوا، ريحة القهوة والحلويات رح تشهيكن عالآخر.
ما رح نخبركن أكتر من هيك، منشوفكن هونيك!
