صدى صور موقع "صدى صور" منصة إلكترونية يعنى بكافة الشؤون المتعلقة بمدينة صور ومنطقتها
( قصيدة للجنوب )
قالوا الشمس يا زين مالت عالغروب
ويمكن جنوبك شمعتو معها تذوب
ضحكتْ وقلت يا عين أوعى تدمعي
هالحكي ما بيهزّ إيمان القلوب
وحياة إيمانك بأرضي ومقلعي
ومْشاتل الدخان ومروج الحبوب
لو مزّقوني وظل ظفر بإصبعي
بحارب بظفري وعن جهادي ما بتوب
مش عيب لو أموال قيصر مش معي
ومش عيب لو الأيتام شحدت عالدروب
ومش عيب لولا البدر نام وما وعي
والفجر يلبس من سواد الليل روب
ومش عيب لو الناعي قبل موتي نعي
عليي ، إلي سويي بأبطال الحروب
العيبي على شاعر جنوبي يندعي
وما بيحضر يغنّي قصيدة للجنوب
( القصيدة لشاعر الزجل الكبير ، المرحوم زين شعيب ).
” من أرشيف: د. علي شعيب “
( الطبيب الإعلامي قاسم مصطفى إسطنبولي / صور ).
*****************
لو مزّقوني وظل ظفر بإصبعي
بحارب بظفري وعن جهادي ما بتوب
مش عيب لو أموال قيصر مش معي
ومش عيب لو الأيتام شحدت عالدروب
قالوا الشمس يا زين مالت عالغروب
ويمكن جنوبك شمعتو معها تذوب
العيبي على شاعر جنوبي يندعي
وما بيحضر يغنّي قصيدة للجنوب
الشاعر المرحوم ” زين شعيب “.
( الطبيب الإعلامي قاسم مصطفى إسطنبولي / صور ).
