صدى صور موقع "صدى صور" منصة إلكترونية يعنى بكافة الشؤون المتعلقة بمدينة صور ومنطقتها
قبل ما تفكروا تدقوا بجيبة المواطن ومعاشات الموظفين وقفوا الهدر .. وفيكم تبلشوا من هالكم شغلة الي عم بيكلفونا ٧٠٠ مليار ليرة سنويا!
– خفض عدد النواب ال ١٠٨(كما ورد بالطائف) منوفر 4 مليار ليرة.
– خفض عدد الوزراء ل١٤ وزير خاصة انو معظمها وزارات ترضية منوفر ٣ مليار ليرة.
– وقف معاشات ومستحقات الرؤساء والنواب السابقين الي معظمهم خارج الخدمة منوفر فيهم ٣٠ مليار ليرة سنويا!
– قطاع سكك الحديد الي مخصصتلو الدولة ١٣ مليار ليرة سنويا عم تدفعا الدولة لسكة بطلت موجودة من 1989
– 47.6 مليار بتدفعهم الدولة سنويا كنفقات سرية للأجهزة الأمنية.. ما فيي خبركم ع شو عم يصرفوهم لانو الموضوع سري للغاية 🤨
– سامعين بشي اسمه مدارس خاصة ممولة من الدولة.. اي نعم موجودين مدري ع اي كوكب وبيتخصصلن سنويا ١٥٠ مليار ليرة.
– مشروع اليسار تأسس بال١٩٩٢ لترتيب الضاحية الجنوبية توقف بال٩٦ لانو صارت تكلفته فوق المليار ليرة، المهم رجعت الدولة مشتو ع السكت بال٢٠١٨ بمخصصات ٨ مليار ليرة سنويا!
– المجلس الاقتصادي الاجتماعي بيكلف الدولة 3.8 مليار ليرة علما انو في وزارة شؤون ووزارة اقتصاد 😳
– مستشارين طق الحنك وأكل الهوا بيكلفونا سنويا 2.5 مليار ليرة. 🤤
– مشروع تعزيز قدرات مجلس الوزراء كلفته 2.8 مليار ولحد هلق عم يبحثوا العلماء شو شغلتهم تحديدا! 🤨
– هيئة رعاية شؤون الحج الي بيشتغلوا ١٥ يوم بالسنة مخصصلن مليار ليرة سنويا.
– المجلس الأعلى للخصخصة (واقف شغله لأسباب سياسية) بس الشباب عم يقبضوا سنويا مليار ليرة علما انو فيه ٣ موظفين فقط.. مدير و٣ متعاقدين.
– المجلس الأعلى السوري اللبناني: 708 مليون ليرة سنويا.
– لجنة الحوار اللبناني الفلسطيني: 242 مليون ليرة سنويا.
– معرض رشيد كرامي الي وضعه مزري مخصصتله الدولة ٤٠٠ مليون ليرة سنويا.
– اجار مبنى الاسكوا ١٥ مليار ليرة
– اجار مبنى الفاو ٦٠٠ مليون ليرة
– الاذاعة اللبنانية (اول مرة بسمع فيها 😳) مخصصتلها الدولة ٨ مليار ليرة سنويا.
– تلفزيون لبنان الي صرله ٤٠ سنة بيعيد نفس المسلسل مخصصتله الدولة ١٩ مليار ليرة سنويا.
– المجلس الوطني للاعلام مخصصتله الدولة 1.9 مليار ليرة.. مجلص لا شغلة ولا عملة.
– جمعية المركز اللبناني لحفظ الطاقة 😳😳 بيكلف الدولة سنويا 4.7 مليار ليرة وانتو ادرى بموضوع الطاقة 😅
– هيئة قطاع البترول الي أسسوها بال2012 عم بتلكفنا سنويا 15 مليار ولهلق الشباب ما ضربه ولا ضربة! 😊
– ٩٦٠ مليون ليرة للجنة مهمتها الحفاظ على البيئة.. والبيئة ما فيي خبركم 🤮😷
– وزارة الشباب والرياضة بتخصص ٥ مليار ليرة للجمعيات و٣/٤ وهميين!
– المؤسسة الوطنية للاستخدام بتكلفنا 3.2 مليار ليرة سنويا مهمتها تأمين مستخدمين جداد لينضمو للقطاع العام علما انو نسبة البطالة بالبلد مخيفة!
هيدا غيض من فيض..
