إهداء إلى جميع المدخنين

حسن حب الله|
ملعوني بْتِركَب عالبُوز
بْتُقصُف هالعمر بْنارا
الصبي بيِتحَوّل عجوز
والصبية ختيارة
بيِتْباهى فيها النرڤوز
بيِعتِبرْها شطارة
بِيقِلّك راسي محفوظ
ومش هاممني مَضارا
بيِشربها مِتل القازوز
ومَنو داري بأخطارا
بِتطُّقُلّو بْمُخو فيوز
وبِتْوسِّعلو بيكارا
بْيِدْمِنْها وْبيصير يْعُوز
بْكِل دقيقة شَرارة
بِيقَضّي وقتو مهزوز
وأعصابو شو منهارة
جُوّا قفَصها محجوز
بْتِحْكم جِسمو بْجدارة
وْبِوجودا ما رح بِيحُوز
إلا على دَمارا
وْمِن قِلّةِ وَعْيو بِيجوز
ما يعتبرها خْسارة
ويلّي بْيتْرِكها بِيْفوز
بْأيام وساعات كْنوز
وْقَدّيش بْعُمرو مَحظوظ
الْ ما بِيدخِّن سيجارة